Como participar
Este é un proxecto piloto e polo tanto ten unha finalidade básica de ensaio. Baixo este punto de vista establécense dous niveis de participación: unha modalidade de apoio completo (A), restrinxida a 50 unidades familiares cun perfil determinado, e unha modalidade de apoio en asesoramento (B), aberta á participación de calquera unidade familiar que estea dentro do ámbito xeográfico do proxecto e que desexe participar. Con esta modalidade pretendemos estender os beneficios do proxecto a outras familias aínda que non se dispoñen dos medios económicos para darlle o apoio completo.
TIPOLOXÍA A. APOIO COMPLETO TIPOLOXÍA B. APOIO EN ASESORAMENTO
TIPO DE APOIO
- As unidades familiares participantes recibirán gratuitamente un composteiro (en depósito, unha vez finalice o proxecto poderían quedar con el).
- Curso formativo (1 hora de duración) que se desenvolverá no seu propio concello.
- Recibirán entre 2 e 3 visitas concertadas e personalizadas de membros do equipo técnico do proxecto ao seu domicilio para axudar á posta en marcha e mantemento do composteiro e respostar as dúbidas que os usuarios poidan ter.
- Ademais da visitas disporán dun teléfono no que poidan consultar, en horario de mañá, as dúbidas que teñan respecto á xestión do composteiro.
- Pode asistir ao curso formativo que se desenvolverá no seu concello (prazas limitadas).- Disporán dun teléfono no que poidan consultar, en horario de mañá, as dúbidas que teñan respecto á xestión do composteiro.
- Terán dispoñible un breve manual con instrucións claras e sinxelas sobre os contidos do curso para axudalos a desenvolver o proceso.
- Lamentablemente nesta categoría de participación o proxecto non poderá facilitar nin o material (composteiro) nin as visitas persoalizadas.
REQUISITIOS E CRITERIOS DE SELECCIÓN DOS PARTICIPANTES
- Os concellos serán os responsables de fixar datas e prazos, e da divulgación do proceso de selección dentro do seu termo municipal.
- O concello será quen seleccione os participantes tomando como orientación os seguintes criterios xerais:
É imprescindible que os participantes dispoñan de xardín ou horta, propia ou compartida. Os núcleos familiares participantes deberán encaixar nalgún dos 3 perfís dos proxecto (familias con xardín, familias con horta, urbanizacións con zona verde comunitaria). Os núcleos familiares seleccionados preferentemente estarán dentro da mesma parroquia ou próximos os uns dos outros. Terán preferencia os núcleos familiares de maior tamaño.
Non hai limitacións nesta modalidade. Calquera núcleo familiar do territorio poderá participar sen restricións, polo que non hai selección e todos os que o desexen poden ter acollida dentro do proxecto.
OBRIGAS DOS PARTICIPANTES
- Asistir a formación polo menos por parte dun membro da unidade familiar.
- Comprometerse a seguir as instrucións do manual e do equipo técnico do proxecto
- Estar presente durante as visitas de seguimento.
Non hai obrigas para os participantes nesta categoría.
COMO E A QUEN FACER A SOLICITUDEA tramitación da súa solicitude de inscrición debe facela no seu Concello (Ver tríptico) ou empregando o seguinte formulario de solicitude e enviándoo a: info@marinasbetanzos.org
Para esta modalidade de participación non é preciso darse de alta, podendo demandar en calquera momento os servizos de asesoramento que precise.